ما المقصود بالـ WOM؟
في الإحصائية اللي عملتها شركة Nielsen عن أكتر أنواع الدعايا تأثيرا وجودوا إن الـ Word of mouth هي أكتر أنواع الدعايا تأثيرا، وإن 92 % من الأشخاص حوالين العالم بيثقوا في توصيات أصدقائهم وعائلاتهم أكتر من كل أشكال الإعلانات التانية، طب ايه هو أصلا المقصود بالـ WOM
في الحقيقة مصطلح WOM من المصطلحات الشهيرة في التسويق واللي بيحاول معظم البراندات الكبيرة الاعتماد عليها في طرق الدعايا الخاصة بيهم، والمقصود بيه اهتمام المستهلك بمنتج أو خدمة معينة مما يعكس تحدثه عنها بكثرة في حواراته اليومية، والـ WOM عبارة عن إعلان مجاني من العميل اتجاه الشركة، بناء على تجربته الإيجابية اتجاه المنتجات والخدمات اللي حصل عليها.
وعادة بيكون سبب اهتمام العميل بالكلام عن منتج أو خدمة معينة ناتج عن حصوله على الخدمة دي بشكل أفضل من توقعاته، عشان كدا مهم إن الشركة تبني علاقة ناجحة مع عملائها لأن المستهلك دايما بيكون أكتر ارتباطا بالشركة لما يحس إن الشركة مهتمة تسمع لآرائه.
